Azərbaycan, Bakı /müx. Trend Ü.İsmayılova/ İlin əvvəlindən Bakının daşınmaz əmlak bazarında qiymətlər orta hesabla 15 faiz artıb. "Caspian Property Services" qiymətləndirmə şirkətindən cümə axşamı verilən məlumata görə, yeni tikilən binaların qiymətində artım 14-15 faiz, digərilərində isə 10-12 faiz təşkil edib. Bu, ilin əvvəlində bazarda müşahidə olunan çatışmazlıqla bağlıdır.
" Caspian Property Services"də bildiriblər ki, apreldə qiymətlərdə əsaslı artım müşahidə olunmayıb. Yalnız 3 otaqlı mənzillərə tələbat artmağa başlayıb.
Şirkətdə həmçinin qeyd ediblər ki, ümumilikdə daşınmaz əmlak bazarında tələbat təxminən 30 faiz azalıb.