Azərbaycan, Bakı/müxbir Trend Ü.İsmayılova/ Azərbaycan İpoteka Fondunun (AİF) təminatlı kreditlər fondu ilin ikinci yarısından etibarən tətbiq olunacaq. Bu barədə cümə günü beş ayın yekunlarına həsr olunmuş mətbuat konfransında AİF-in icraçı direktoru Faiq Məmmədov bildirib.
Məmmədovun sözlərinə görə, layihə təsdiq olunması üçün Azərbaycanın Nazirlər Kabinetinə təqdim olunub.
Təminatlı kreditlər fondu sisteminə həmçinin ilkin ödənişin ləğv edilməsi də daxildir. Məmmədov bildirib ki, ilkin ödənişin ləğvi həm mənfi, həm də müsbət tərəflərə malikdir - 100 faizlik kredit məbləğində (bu gün kredit məbləği 85 faiz təşkil edir) əmlakın qiyməti əhəmiyyətli dərəcədə artır. Əmlakın qiyməti maksimum 50 min manat və güzəştli ipoteka 35 min manat təşkil edir. Həmçinin aylıq faizlər də artacaq, deyə AİF rəhbəri vurğulayıb.