Azərbaycan, Bakı / müx . Trend S.Babayeva/ Çərşənbə günü kənd təsərrüfatı naziri İsmət Abbasovun verdiyi məlumata görə, kreditlərin verilməsi üzrə agentlik iyul ayından başlayaraq kreditlərin verilməsinə başlayacaq. Onun sözlərinə görə, artıq kreditlərin verilməsi üzrə çoxsaylı ərizələr var. Birinci mərhələdə bu məqsədlə 5 milyon dollar ayırmaq planlaşdırılır. "Mən hesab edirəm ki, kreditlər ilk növbədə istehsalın artırılması məqsədilə kənd təsərrüfatı məhsulu istehsal edən istehsalçılara təqdim olunmalıdır" - deyə nazir bildirib. Abbasov bildirib ki, bəzi təşkilati məsələlərin həllindən sonra kredtlərin verilməsinə başlanılacaq.
Azərbaycan Nazirlər Kabinetinin göstərişinə əsasən, kreditlər aşağıdakı istiqamətlərdə istifadə oluna bilər:
Kənd təsərrüfatı məhsullarının istehsalı və emalı
Suvarılan torpaqların meliorasiyasının yaxşılaşdırılması
İrriqasiya avadanlığı ilə təchiz edilmə
Ərzaq məhsulları sektorunun müasirləşdirilməsi və inkişafı
Kənd təsərrüfatı texnikasının və kimyəvi maddələrin alınması
Kənd Təsərrüfatı Nzirliyinin pilot layihələri
Heyvandarlıqda süni mayalandırmadan istifadə edilməsi
Mikrokreditlər 1min manat olmaqla 2 il müddətinə, kiçik kreditlər 1-20 min manat, orta kreditlər 20-50 min manat olmaqla 3 il müddətinə, böyük kreditlər isə 50-200 min manat olmaqla 5 il müddətinə veriləcək.