Azərbaycan, Bakı / Trend / 2007-ci ilin yanvar-may aylarında MDB dövlətlərindən Azərbaycana 720193,7 min dollarlıq mal idxal olunub. Dövlət Gömrük Komitəsindən verilən məlumata görə, bu ümumi idxalın 35,9 faizini təşkil edir.
Azərbaycanın MDB dövlətlərinə ixrca etdiyi malların ümumi həcmi 413418,8 min dollara (ümumi ixracdan 22,2 faiz) bərabərdir. MDB dövlətləri ilə idxal-ixrac əməliyyatları üzrə mənfi saldo 306774,9 min dollar təşkil edib.
MDB ölkələrinə əsasən şəkər, şəkərdən konditer məmulatları, neft məhsulları, kimyəva maddələr, bitki və qeyri-bitki yağları, pambıq və meyvə ixrac olunub.
MDB dövlətlərindən isə Azərbaycana mineral yanacaq, taxıl bitkiləri, avadanlıq, mexaniki qurğular, qara metallurgiya məhsulları idxal olunub.