Azərbaycan, Bakı /müx. Trend Ü.İsmayılova/ Bank Standard"ın idarə heyəti sədrinin birinci müavini Cavid Quliyevin bazar ertəsi mətbuat konfransında verdiyi məlumata görə, bank 2008-ci ilin əvvəli üçün qiymətli kağızlar- avrobondlar buraxmaq niyyətindədir. Quliyevin sözlərinə görə, avrobondların buraxılışı Moody's şirkətindən reytinq əldə etdikdən sonra reallaşacaq və bank bu reytinqi 2006-cı ilin nəticələrinə görə yaxın iki ay ərzində almağı planlaşdırır.
Moody's şirkətindən reytinq əldə etdikdən sonra "Bank Standard" avrobondların buraxılışı üçün
"Fitch Ratings"-dən reytinq almaq niyyətindədir.
Avrobondların müddəti və məbləğindən danışan Quliyev bildirib ki, bu, hələ dəqiq müəyyənləşdirilməyib, belə ki, bank 2008-ci ilin əvvəli üçün nizamnamə kapitalını 50mln. manata çatdırmağı planlaşdırır və bu, qiymətli kağızların müddəti və dəyərindən asılı olacaq.
Əvvəllər Azərbaycan Milli Bankı suveren avrobondlardan 0,5 -0,8% baha olacaq avroistiqrazlar buraxacağını bildirmişdi.
AMB-nın avroistiqrazları "Reg S" formatında Amerika şirkətləri üçün buraxılacaq. İstiqrazların müddəti 3-5 ildir. İstiqrazların noyabrın əvvəlində buraxılması planlaşdırılır.