Azərbaycan, Bakı/ Trend müxbir S.İlhamqızı/ İyun ayında Azərbaycan vasitəsi ilə neftin nəqli 35 faiz azalıb. Bu barədə Siyasi İnnovasiya və Texnologiya Mərkəzinin analitik materialında göstərilib.
Hesabatda bildirilir ki, əvvəllər Türkmənistandan və Qazaxıstandan ayda 800-850 min ton yük daşınırdısa, indi bu rəqəm 550-600 min tondur. Yüklər əsasən Neka (İran) və Mahaçqala (Rusiya) limanları vasitəsi ilə daşınır.
Hesabatda həmçinin qeyd olunur ki, ötən ay İran türkmən qazının öz ərazisi vasitəsilə Azərbaycana nəql edilməsinə icazə verməyib.
