Azərbaycan, Bakı / Trend , müxbir İ.Xəlilova /Bu il Azərbaycanda taxıl istehsalı 2 mln. ton təşkil edəcək. Bu, həcmdən 1,9 mln. ton artıq yığılıb. Bu barədə kənd təsərrüfatı nazirinin müavini Bəhram Əliyev məlumat verib.
"Bu günə olan ehtiyatlar və qismən Qazaxıstan taxılının idxalı hesabına Azərbaycanın bu məhsula tələbatları tam ödəniləcək" - deyə Əliyev bildirib.
Bu gün ehtiyatda 600- 700 min ton taxılın olduğunu deyən nazir müavini qeyd edib ki, müvafiq olaraq daha 300 min ton idxal etmək yetərli olacaq. Respublikanın taxıla illik tələbatı 3 mln. ton təşkil edir.
Yerli taxılın istehsalı ilə bağlı problemlərin olmamasına rəğmən nazir müavini un məmulatları bazarında qiymətlərin gələcək tendensiyası barədə konkret fikir yürütməkdə çətinlik çəkib. "Hökumət taxıl idxalını ƏDV-dən azad etsə də, çörəyin qiymətlərinin ilin sonuna kimi artırılacağı və ya azalacağını proqnozlaşdırmaq çətindir" - deyə Əliyev vurğulayıb.
