Azərbaycan, Bakı / Trend , müxbir S.Əliyev/ "Kaşaqan" yatağının işlənməsi ilə məşğul olan Agip KCO konsorsiumunun iki iri səhmdarlarının nümayəndəliklərində kadr dəyişikliyi baş verib.
Bu dəyişikliklər konsorsiumun iki iri səhmdarlarının, "ExxonMobil" və "Royal Dutch/Shell"in rəhbərliyinə aiddir, bu şirkətlər 18,52% iştirak payına malikdirlər. "ExxonMobi"in Qazaxıstandakı nümayəndəliyinə Stiven Rouz başçılıq edib ki, indi o, baş direktor vəzifəsinri icra edəcək. Rouz neft sahəsində 30 illik təcrübəyə malik mütəxəssisdir. Son üç il ərzində Nigeriyada çalışıb. Vaxtilə Rouz "Tengiz" yatağının işlənməsi və ilkin mərhələdə "Kaşaqan" yatağının konsepsiyasının işlənib hazırlanması ilə bağlı "ExxonMobil"in nəzarət prosesində iştirak edib.
"Shell" şirkətinin Qazaxıstan nümayəndəliyinin hazırkı rəhbəri Martin Ferstalın da dəyişiləcəyi gözlənilir.
Bu yaxınlarda o, yeni təyin olunmuş rəhbər tərəfindən əvəz olunmalıdır. Namizədin adı hələ məlum deyil, şirkətdən məlumatlı mənbənin verdiyi xəbərə görə, güman ki bu, Xəzər regionunun xüsusiyyətləri ilə tanış olan mütəxəssis olacaq.
Qazaxıstanın yüksək vəzifəli neftçilərindən biri hesab edir ki, investorların sıralarında belə yerdəyişmələr Qazaxıstan hökumətinin addımına cavab olaraq həyata keçirilir. Bnlə ki, energetika və mineral resurslar naziri postunu Saut Mınbayev "Kaşaqan"ın gələcək taleyini həll edəcək danışıqlar ərəfəsində tutub. Yeni energetika nazirini təqdim edən baş nazir Kərim Məsimov açıqılama verib ki, Mınbayevin təyin edilməsi dövlət başçısının yataqların və digər strukturların işlənməsi ilə bağlı yeni tapşırıqları ilə əlaqədardır. Mütəxəssislər hesab edirlər ki, Mınbayevin simasında hökumət respublikanın milli maraqlarının müdafiə olunması ilə bağlı mövqeyini gücləndirib.
