Azərbaycan, Bakı, 12 mart / Trend , müxbir S.Əliyev/ "LUKOYL- VolqoqradNİPİmorneft" ASC Xəzərin Azərbaycan sektorundakı "D-222" (Yalama) prespektivli strukturunda ikinci kəşfiyyat quyusunun qazılması zamanı ətraf mühitə təsirin qiymətləndirilməsilə əlaqədar sənəd hazırlayıb. Bu barədə çərşənbə günü SC-dən məlumat verilib. ƏMTQ üzrə dinləmələr aprel ayına nəzərdə tutulub.
Qazma kəşfiyyat layihəsinin operatoru "Overseas Operating Company Ltd" şirkəti olacaq. Noyabr ayında prespektivli blokun yenidən işlənməsi və hasilatın bölüşdürülməsini Danimarkanın "Maersk" şirkətinə malik "N.Əliyev adına" buruqdan başlamaq nəzərdə tutulub.
İkinci kəşfiyyat quyusunun dərinliyi 2650 metr təşkil edəcək və birinci kəşfiyyat quyusundan 22 km aralıda qazılacaq. 2007-ci ilin noyabr ayında ikinci quyunun ehtimal olunan qazma nöqtəsində 656 - 720 metr dərinlikdə mühəndis-geoloji tədqiqatlar aparılıb.
2005-ci ildə LUKOYL "Yalama"da layihə dərinliyi 4500 m olan birinci quyunu 4400 m dərinlikdə qazıb. Qazma prosesində şirkət üçün kommersiya əhəmiyyəti kəsb etməyən az miqdarda karbohidrogen həcmləri aşkar olunub.
"N.Əliyev adına" buruq 1000 metr su qatında olan 9 min metr dərinlikdə quyuların qazılması üçün nəzərdə tutulub. Xəzərin ən dərin nöqtəsi 1025 m çatır. Bu da onu göstərir ki, qurğu praktiki olaraq dənizin bütün akvatoriyasında işləyə bilər.
"Yalama" strukturu üzərində yenidən işlənmə müqaviləsi 1997-ci il iyul ayının 3-də imzalanıb. D-222 bloku Yalama strukturunun bir hissəsidir, Xəzərin Azərbaycan və Rusiya sektorunda bərabər hissədə, sahildən 30 km aralıda 80 m-dən 700 m dərinlikdə yerləşir.
2003-cü ildə D-222 blokunun kəşfiyyatı və yenidən işlənməsinin əlavə şərtləri üzrə müqavilə paketi imzalanıb. Müqavilədə LUKOYL şirkətinin layihədə payının 80 faiz artırılması və müqavilə sahəsinin 3 min kv.km qədər genişləndirilməsi nəzərdə tutulub. 2006-cı ildə müqavilə ərazisi 1,3 min kv.km ixtisar olunub, kəşfiyyat müddəti isə 2009-cu il noyabr ayının 1-nə qədər uzadılıb.
Müəlliflə əlaqə ünvanı: [email protected]