...

Cari ilin birinci rübündə Türkiyənin Ceyhan limanından təxminən doqquz mln. ton Azərbaycan nefti satılıb

Energetika Materials 10 Aprel 2008 18:50 (UTC +04:00)

Azərbaycan, Bakı, 10 aprel / Trend / Cari ilin birinci rübündə Türkiyənin Ceyhan limanından dünya bazarlarına təxminən doqquz mln. ton (91 tanker) Azərbaycan nefti satılıb. Bu barədə Azərbaycan Dövlət Neft Şirkətinin (ARDNŞ) cümə axşamı yayılan məlumatında bildirilir. Mart ayında Ceyhan limanından təxminən 3 mln. ton Azeri Light növlü neft satılıb.

Ceyhan limanından nəqletmə başlayandan bəri təxminən 45 mln. ton Azeri Light (430 tanker) növlü neft satılıb.

ARDNŞ-nin məlumatında bildirilir ki, ümumilikdə yanvar-mart aylarında Bakı-Tbilisi-Ceyhan (BTC) neft kəməri üzrə Azərbaycan 8 mln. 780 min ton neft nəql edib ki, bunun da 2 mln. 900 min tonu mart ayının payına düşüb.

Aprelin 1-nə olan məlumata görə, BTC üzrə nəql başlanandan 46 mln. tondan çox Azərbaycan nefti yola salınıb.

Xəbər lenti

Xəbər lenti