Azərbaycan, Bakı, 22 aprel/ Trend , müxbir E.İsmayılov/ "Bakoyl" Qapalı Səhmdar Cəmiyyəti "Qaraçuxur" əməliyyat şirkəti üçün dərin quyu nasoslarının təmirini həyata keçirir. Bu barədə çərşənbə axşamı müəssisədən məlumat veriblər. Şirkət həmçinin Rusiyaya 21 mln. rubl məbləğində qaldırıcı qurğuların, Gürcüstana isə 25 min manat məbləğində texniki avadanlığın tədarükünə dair sifarişi həyata keçirir.
Bundan əlavə, "Bakoyl" Rusiya, Gürcüstan, Ukrayna, Qazaxıstan və s. ölkələrlə neft sənayesi avadanlığının ixracı ilə məşğul olur.
"Bakoyl" Qapalı Səhmdar Cəmiyyəti 1995-ci ildən fəaliyyət göstərir və neft sənayesi avadanlığının idxal və ixracı, həmçinin quyulara xidmət edilməsi və onların təmiri ilə məşğul olur.
Hazırda QSC "Qarasu", "Binəqədi oyl", "Abşeron", "Qaraçuxur" kimi yerli əməliyyat şirkətlərini neft sənayesi avadanlığı ilə təmin edir və onlara təmir xidmətləri göstərir, "İnquşnefteqazprom" kimi Rusiya tərəfdaşları ilə əməkdaşlıq edir.