Azərbaycan, Bakı, 05 may/ " müxbir E.İsmayılov/ Azərbaycan Dövlət Neft Şirkəti (ARDNŞ) ilin sonunadək Azərbaycanın şimal-qərbində, ölkənin Gürcüstanla sərhədinə yaxın "Cahangir" quru yatağında yeni kəşfiyyat quyusunda qazma işlərini başa çatdırmağı planlaşdırır.ARDNŞ-nin "Kompleks qazma işləri" trestindən bazar ertəsi bildirilib ki, quyunun lahiyə üzrə nəzərdə tutulan 3400 metr dərinliyindən 1750 metri qazılıb.
Əvvəllər sahədə tədqiqat işləri aparılıb və axtarış-kəşfiyyat qazıntı işlərinin aparılmasına dair qərar qəbul olunub.
Qazıntı ARDNŞ-nin "Qobustan" kəşfiyyat qazma işləri idarəsi tərəfindən aparılır.
Hazırda "Cəfərli" yatağında yerləşən iki dərin istismar quyusunda qazma işləri aparılır. Birinci quyunun 4050 metr layihə dərinliyindən 3790 metri, ikincinin 4050 metr lahiyə dərinliyindən 2778 metri qazılıb.
