Azərbaycan, Bakı, 19 may / Trend , müxbir E.İsmayılov/ 2009-cu ildə "BP" şirkətinin "Azəri-Çıraq-Günəşli" və "Şahdəniz" yataqlarından hasil olunan neft, qaz və kondensat göndərilən Sənqaçal terminalında "Şahdəniz" yatağının işlənməsinin ikinci mərhələsi çərçivəsində, qurğuların inşasına başlamaq planlaşdırılır. Bu haqda layihəyə yaxın mənbə məlumat verib.
Tikintinin tamamlanması 2012-ci ildə planlaşdırılır. Hal-hazırda "Şahdəniz"-in ikinci mərhələsi üçün əlavə qurğuların layihələndirilməsi aparılır,- mənbə məlumat verib.
"Şahdəniz" yatağının işlənməsi üzrə müqaviləsi 4 iyun 1996-cı ildə imzalanıb. Saziş iştirakçıları: "BP" (operator) - 25,5 faiz, "Statoil Hydro" - 25,5 faiz, "NICO" - 10 faiz, "Total" - 10 faiz, "LukAgip" - 10 faiz, "TPAO"- 9 faiz, ARDNŞ - 10 faiz.
Sözügedən yataqda qazın hasili 2006-ci ilin dekabrında başlanıb. Hazırda hasil olunan qaz Cənubi Qafqaz qaz kəməri vasitəsilə Gürcüstan və Türkiyəyə nəql edilir. Qaz alıcıları sırasında Azərbaycan da var.
Yatağın ilk işlənmə mərhələsi çərçivəsində ildə 8,6 mln. kubmetr qaz hasili ehtimal olunur. Hasil olunan qaz Azərbaycan, Gürcüstan və Türkiyəyə satılacaq. 2012-ci ildən sonra başlanacaq yatağın ikinci işlənmə mərhələsi çərçivəsində, qaz hasilatı 20 mlrd. kubmetrədək artırılacaq. İkinci mərhələ çərçivəsində əldə olunan qazın Avropa ölkələrinə ixracı ehtimal olunur.
Hal-hazırda "Şahdəniz" yatağından 24 saat ərzində təxminən 21,5-22 mln. kub metr qaz və 5,5 -5,6 min ton kondensat hasil olunur. 2009-cu ildə sözügedən yataqda ən yüksək- 8,6 mlrd. kub metr qaz hasilatı planlaşdırılır.
Yataqda cəmi dörd quyu istismar olunur. Hazırda tamamlanması 2008-ci lin avqustunda planlaşdırılan beşinci quyunun qazma işləri aparılır. Bundan sonra tamamlanması 2009-cu ilin əvvəllərində planlaşdırılan daha bir quyunun qazılması planlaşdırılır.
SDX-4 quyusunun analizinin nəticəsi "Şahdəniz" yatağında ikinci mərhələdə işlənmə üçün kifayət qədər qazın olduğunu təsdiqləyib. Şirkətdən hesab edirlər ki, ikinci mərhələdə işlərin həcminin dəqiqləşdirilməsi üçün əlavə araşdırmaların tələb olunacağına baxmayaraq, hasilat həcmi hər halda, əvvəlki kimi və ya birinci mərhələdən çox - ildə 8,6 mlrd. kubmetr təşkil edəcək.
Sazişə görə, "Şahdəniz" layihəsinin ilkin mərhələsi çərçivəsində, qaz Azərbaycan, Gürcüstan və Türkiyəyə satılır və digər ölkələrə tranziti nəzərdə tutulmur.
Lakin hal-hazırda Azərbaycan və Türkiyə arasında Azərbaycan qazının Türkiyə ərazisindən nəqli ilə bağlı tranzit sazişin müzakirəsi aparılır.
Müəlliflə əlqaə saxlamaq üçün elektron ünvan: [email protected]