Azərbaycan, Bakı, 13 iyun/ Trend müxbir E.İsmayılov/ Azərbaycan Dövlət Neft Şirkətinin balansında olan Heydər Əliyev adına Bakı Neft Emalı Zavodu (NEZ) bir ay ərzində Güzdəkdə aviasiya kerosini və dizel yanacağının doldurulması üçün estakadanın müasirləşdirilməsi və yeniləşdirilməsi üzrə işləri başa çatdıracaq. Bu barədə NEZ-dən məlumat veriblər.
Şəffaf məhsulların istehsalının artırılması və keyfiyyətinin yüksəldilməsi məqsədilə NEZ-də mazut ehtiyatlarından və Q-43 -107 M katalitik krekinq qurğusunun yenidən qurulmuş hidrotəmizləmə blokundan istifadə edilib. Bu təkrar proseslərin əlavə məhsullarını emala cəlb etməy imkan verib.
Dizel yanacağında kükürd və aromatikliyin aşağı olması onun keyfiyyətini Avropa səviyyəsinə qaldırıb, çetan ədədi 45-dən 47-dək artıb. Bunun nəticəsində şəffaf neft məhsullarının istehsalı 5,8 faiz, müəssisənin illik mənfəəti 40 mln. manat artıb.
Müəlliflə əlaqə saxlamaq üçün elektron ünvan: [email protected]