...

Azərbaycanda neft-qaz terminalının tikintisini bir neçə bank maliyyələşdirə bilər

Energetika Materials 15 İyul 2008 18:10 (UTC +04:00)

Azərbaycan, Bakı, 15 iyul/ Trend , müxbir İ.Xəlilova/ "Azərbaycan İnvestisiya Şirkəti" ASC "Səngəçal-Qaradağ neft-qaz terminalı"nın tikintisi üçün maliyyələşdirmənin cəlb edilməsi üzrə bir neçə bankla danışıqlar aparır. Bu barədə çərşənbə axşamı AİŞ -in icraçı direktoru Anar Axundov məlumat verib. Əvvəllər yalnız bir bankdan - Fransanın Societe Generale bankından $140 mln. kreditin cəlb edilməsi barədə danışılırdı.

"Danışıqlar yekun mərhələsindədir və biz yaxın vaxtlarda müqavilənin imzalanmasına ümid edirik", - Axundov bildirib. İmzalanmayadək mən vəsaitlərin məhz Societe Generale bankından cəlb ediləcəyi barədə danışa bilmərəm".

Onun sözlərinə görə, bu iri maliyyə institutlardır. Dünya bazarının konyukturası bu gün çox dəyişkən, dəyişkənlik çox yüksəkdir və buna görə də kreditin alınması üzrə bütün danışıqlara düzəlişlər edilir.

Danışıqlarla yanaşı, terminalın səhmdarları tərəfindən ayrılan vəsaitlər hesabına, tikinti işləri aparılır. Layihə $175 mln. qiymətləndirilir. Bunun $36 mln. -nı (bu vəsait "Səngəçal-Qaradağ neft-qaz terminalı" QSC-nin kapitalına daxil edilib) Azersun Holding və AİŞ təqdim edəcək.

Layihədə əsas operator "Qafqaztransservis" şirkətidir (Azersun Holding qrupuna daxildir). AİŞ və "Qafqaztransservis" arasında imzalanmış müqaviləyə əsasən, şirkət yatırılmış vəsaitlərin hesabına QSC -nin Nizamnamə kapitalının 25 faizini əldə edib. İnvestisiya Şirkəti AİŞ Müşahidə Şurasının 2007-ci il 29 iyun tarixli qərarına müvafiq olaraq $9 mln. yatıracaq.

Kredit ehtiyatları layihənin birinci fazasının reallaşdırılması üçün də nəzərdə tutulur. Birinci fazaya 2009 - cu ilin sonunadək terminalın tikintisi daxildir.

Layihənin ikinci fazası birincinin başa çatmasından sonra, üç il ərzində reallaşdırılacaq. İkinci mərhələ yanalma körpülərinin tikintisini, əsasən, Qazaxıstan, Türkmənistandan olan neft tədarükçüləri ilə müqavilələrin bağlanılmasını nəzərdə tutur. Terminalın aşırma gücü ilkin mərhələdə 5 mln. təşkil edəcək, sonra isə 20-25 mln. tonadək çatıdırlacaq.

Qaradağ terminalı məhdud növdə, lakin böyük həcmlərdə məhsulların (kondensat və neft) qəbulu üçün nəzərdə tutulub. Bu terminal vasitəsilə Kaşağan yatağından hasil edilən xam neftin qəbulu da nəzərdə tutulur. Neft Qara dəniz sahilindəki terminallara və Bakı -Tbilisi - Ceyhan neft kəməri ilə Ceyhan limanına nəql ediləcək. Kaşağandan neftin 2011-ci ildən tez olmayaraq alınacağı gözlənilir. Lakinin bununla yanaşı, bu vaxt ərzində gəmiqayırma istehsalı inkişaf etdirilə, iritutumlu gəmilər sifariş edilə bilər ki, bu, Azərbaycana regionda daşınmaların həyata keçirilməsi üçün lazımdır.

İyulun 15-nə olan cari məzənnə - 0,8051 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti