Qazaxıstan, Astana, 15 avqust/ Trend , müxbir K.Konırova/ Qazaxıstanın daxili neft məhsulları bazarında vəziyyət sabitləşir, qazaxıstanlı ekspertlər hesab edirlər.
"Topdan satış qiymətlər 15-20 faiz aşağı düşüb, pərakəndə satış qiymətləri isə əvvəlki səviyyədədir. Lakin ay ərzində onların azalacağı qaçılmazdır", - bu barədə Qazaxıstanın treydinq şirkətlərindən birinin rəhbəri Trend -a müsahibəsində məlumat verib.
Onun rəyinə görə, bu, ilk növbədə xammalın qiymətinin əhəmiyyətli dərəcədə azalması ilə bağlıdır. Bir ay əvvəl "qara qızılın" qiyməti bir barelə görə $145-a çatdığı halda, dünyanın aparıcı neft birjalarında son ticarətin yekunlarına əsasən, bir barelə görə $111- $113-dək azalıb.
"İkincisi, yay təmiri dövründən sonra Qazaxıstanın hər üç NEZ-i hazırda işləyir. Onlar demək olar ki, hər gün emal həcminin artması barədə məlumat verirlər. Belə ki, Pavlodarsk NKZ emal həcmini artırmağa başlayıb və Şımkent NEZ ilə birlikdə onların hər biri avqustun yekunlarına əsasən, 400 min tondan çox neft emal etməyi vəd edirlər", - o bildirib.
Respublikanın Energetika Nazirliyinin məlumatına əsasən, yarım il ərzində ölkədə neft emalı 6 faiz artıb.
"Ümumilikdə aylıq neft emalı həcmi artıb: plan ildə 12,5 mln. ton olduğu halda, yalnız yeddi ay ərzində göstərici yeddi milyon tonu ötüb və artım 6 faiz təşkil edib", - respublikanın energetika və təbii ehtiyatlar üzrə vitse-naziri Bolat Akçulakov bu günlərdə hökumətdə bildirib.
Treydinq şirkəti rəhbərinin rəyinə görə, üçüncüsü, respublikada çatışmayan benzin və dizel yanacağının idxal olunduğu qonşu Rusiyada neft məhsullarının qiyməti aşağı düşüb.
Belə ki, Energetika Nazirliyinin məlumatına əsasən, cari ilin yeddi ayrı ərzində Qazaxıstanda dizel yanacağı və aviakerosin istehsalının artması nəticəsində benzin istehsalı həcmi təxminən 5 faiz azalıb.
Rəsmi məlumatlara əsasən, respublika hər il 700 min tonadək Rusiya istehsalı olan yüksək oktanlı benzin idxal edir. "Əlaqəli qablar prinsipi işləyir. Bu gün Rusiya bazarında qiymətlər bizim respublika ilə müqayisədə aşağıdır və biz neft məhsullarını qonşumuzdan yeni qiymətlər üzrə alırıq", - həmsöhbət bildirib.
Dördüncüsü, müəyyən dərəcədə inzibati resurs da - hökumətin benzin və dizel yanacağı ixracına qoyduğu qadağa da öz təsirini göstərir. Hazırda onun təsiri sentyabrın 1-dək uzadılıb.
Lakin bütün görülən tədbirlər və faktorlara baxmayaraq, respublikanın avtoyanacaqdoldurma məntəqələrində qiymətlər əvvəlki səviyyədə qalır. Bir ay əvvəl çoxişlənən markalı benzinin dəyəri 100 tengeden çox olub.
"Neft məhsullarının topdansatış qiymətləri dünya bazarlarında qiymətlərlə bağlı vəziyyətə tez reaksiya göstərir. Qiymət fərqindən mənfəət qazanan pərakəndə satış isə, onların sürətlə azalmasına can atmayacaq, belə ki, hər tenge uğrunda mübarizə gedir", - treyder izah edib.
Onun sözlərinə görə, pərakəndə ticarət qiymət artımına tez reaksiya göstərir, lakin bazar yaxşı təmin olunduqda, öz mövqelərini tez əldən vermir. Lakin bununla belə, yaxın ay yarım ərzində YDM-də də qiymətlər azalmalıdır, mütəxəssislər belə proqnozlaşdırırlar.
Müəlliflə əlaqə saxlamaq üçün elektron ünvan: [email protected]