Qazaxıstan, Astana, 03 sentyabr/ Trend , K.Konırova/ Qazax-rumın neft şirkəti Rompetrol-un rəhbərliyi Gürcüstanın Qara dəniz limanındakı terminalın idarə edilməsinin verilməsi üzrə danışıqlar aparır, - qazaxıstanlı jurnalistlərə Rompetrol-un Baş direktorunun müavini İon Sturza "Ticarət Evi "KazMunayqaz"ın Rumıniyaya təşkil etdiyi mətbuat səfərinin gedişində deyib.
"Zənnimcə, Konstansada tikilən dəniz neft terminalı və Batumi limanındakı terminal birlikdə idarə edilməlidir. Bunun necə ediləcəyi danışıqlar mövzusudur", - Dinu Patriçiu deyib.
Baharda Astanada keçirilmiş "Biznes-gün. Rompetrol-KazMunayqaz"seminarında "KazMunayqaz"ın rəhbərliyi ilk dəfə olaraq Batumidəki terminalın Rompetrol-un idarəetməsinə verilməsi barədə fikir söyləyib.
"Terminallardan biri Qara Dənizin Şərqində, digəri Qərbindədir. Bu səmərəli yol olacaq", - Patriçiu deyib. Onun sözlərinə görə, hazırda terminalın texniki təhlili mərhələsi gedir.
"KazMunayqaz"şirkəti ötən ilin yayında rumın şirkəti Rompetrol-un səhmlərinin 75 faizini alıb. Nəticədə, Qazaxıstan Şərqi Avropada yerləşən iki neftayırma zavoduna və Gürcüstandan başlayaraq Fransayadək, yeddi ölkədə 630 yanacaqdoldurma məntəqələrinə çıxış əldə edib.
