Azərbaycan, Bakı, 25 sentyabr/ Trend , müxbir V.Şərifov/ Ukraynanın ən iri neftçıxarma müəssisəsi - "Ukrnafta" SOCAR şirkəti ilə (Azərbaycanın Dövlət Neft Şirkəti) yüngül və ağır Azərbaycan neftinin emalı üzrə birgə müəssisənin (BM) yaradılması haqqında danışıqlar aparır,- Ukrayna KİV yazır.
Ukrayna tərəfdən BM - də iki müəssisə iştirak edə bilər - "Qaliçina" və "Naftoximik Prikarpatiya" NEZ. BM Avro-3 standartları üzrə benzin istehsal etməyi planlaşdırır.
Ukrayna KİV yazır ki, sentyabrda Bakıda "Ukrnafta" və SOCAR arasında müvafiq danışıqlar keçirilib. Danışıqlarda Ukraynanın yanacaq və energtika nazirinin müavini Burzu Əliyev də iştirak edib.
SOCAR şirkətində BM - in yaradılması haqqında planları nə təsdiq, nə də inkar ediblər.
Hazırda Azərbaycan "Azəri - Çıraq - Günəşli" yataqlarından cari ildə orta 900 min bareldən çox neftə qarşı təxminən 500 min barel neft hasil eidr. Azeri Light növlü neftin hasilatının müvəqqəti azalması "Azəri - Çıraq - Günəşli"də iki hasilat platformasının işinin dayandırılması ilə bağlıdır. Buna səbəb onlardan birində qazın aşkar edilməsi olub.
SOCAR şirkəti hər il qurudakı və dənizdəki yataqlardan, əcnəbi tərəfdaşların iştirakı olmadan, şəxsi vəsaitləri hesabına təxminən 9 mln. ton neft hasil edir.
"Ukrnafta" Ukraynada ümumi neft və qaz kondensatı hasilatının 75 faizini təmin edir. 316 ədəd yanacaqdoldurma məntəqəsindən ibarət şəbəkə şirkətə məxsusdur.
Müəlliflə əlaqə saxlamaq üçün elektron ünvan:[email protected]
