Azərbaycan, Bakı, 20 yanvar/ Trend , müxbir E.İsmayılov/
"Azəriqaz" QSC 2009 - 2013 - cü illərdə Bakının qazpaylayıcı sisteminin inkişaf proqramı çərçivəsində, yeni yaşayış ərazilərində əsas qazpaylayıcı xətlərin çəkilməsini həyata keçirməyi planlaşdırır, - "Azəriqaz"ın rəhbəri Əlixan Məlikov çərşənbə axşamı bildirib.
"Yeni binalarda yaşayan vətəndaşların layihələndirməni aparmalı və şəxsi vəsaitləri hesabına qazlaşdırmanı həyata keçirmələri üçün, yeni sahələrdə hazırda əsas, nəqletmə və paylayıcı xətlərin çəkilməsini planlaşdırırıq", - Məlikov deyib.
Qazlaşdırma prosesi bütün ölkə üzrə davam edir və inkişaf proqramına müvafiq olaraq, bu işlər 2013-cü ilədək davam etdiriləcək. "Bakıda və ölkənin digər regionlarında kəndlərin qazlaşdırılması üzrə iş aparılacaq", - Məlikov deyib.
Bakının qazpaylayıcı sistemi çox köhnəlib. O hələ 60 - cı illərdə yaradılıb. Yeni proqram şəhərin də tam qazlaşdırılmasını nəzərdə tutur. Bütün bu məsələlər 2013-cü ilədək həll olunmalıdır.
Proqram Bakı kəndlərinin qazlaşdırılması, şəhərin köhnəlmiş qazpaylayıcı sisteminin yenilənməsini, eləcə də abonentlərin sayğaclarla təmin olunmasını nəzərdə tutur.
Müəlliflə əlaqə
saxlamaq üçün elektron ünvan: [email protected]
в
