Azərbaycan, Bakı, 28 yanvar/ Trend , müxbir E.İsmayılov/
2009 - cu ildə Azərbaycanın Dövlət Neft Fondunun (ARDNF) Bakı - Tbilisi - Ceyhan əsas ixrac boru kəmərinin fəaliyyətindən alınacaq dividendləri təxminən 140 mln. dollar təşkil edəcək, - ARDNF - ın icraçı direktoru Şahmar Mövsümov çərşənbə günü mətbuat konfransında bildirib.
BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,9 faiz); StatoilHydro (8,71 faiz); ТРАО (6,53 faiz); Eni (5 faiz); Total (5 faiz); Itochu (3,40 faiz); Inpex (2,50 faiz); ConocoPhillips (2,50 faiz) və Hess (2,36 faiz).
Mövsümovun sözlərinə görə, bu gün Fondun daxilolmalarının böyük hissəsini "Azəri -Çıraq - Günəşli" yataqlarının işlənilməsi çərçivəsində neftdən əldə olunan vəsaitlər təşkil edir, "Şahdəniz" dəniz yatağının işlənilməsi çərçivəsində qazdan ARDNF-a daxilolmalar isə, o qədər də böyük deyil. "Şahdəniz" yatağının işlənilməsinin ikinci fazası başladıqdan sonra qaz satışından Neft Fonduna daxilolmaların artacağı proqnozlaşdırılır.
"Şаhdəniz" yаtаğının işlənməsinə dаir müqаvilə 1996 - cı il, iyunun 4 - də imzlаnıb. Layihənin iştirakçıları aşağıdakılardır: BP (оpеrаtоr) - 25,5 faiz StаtоilHydro - 25,5 faiz, ARDNŞ - 10 faiz, LUKАgip - 10 faiz, NICО - 10 faiz, Tоtаl - 10 faiz, TPАО - 9 faiz. Bu yаtаqdа qаz hаsilаtı 2006 - cı ilin dеkаbrındа başlayıb. Hаzırdа qаz Cənub Qаfqаz qаz kəməri vаsitəsilə Gürcüstаn və Türkiyəyə nəql оlunur.
2008 - ci ilin ikinci rübündən "Azəri - Çıraq - Günəşli" yataqlar blokunun işlənilməsi çərçivəsində, Azərbaycanın payı ən yüksək səviyyəyə - 80 faizə çatıb və heç bir şəraitdə bu pay azaldıla bilməz. Bu gün şirkətlər yatırdıqları bütün vəsaitləri geri qaytarıblar, il ərzində yeni yatırımlar hasil olunan neftin hesabına qaytarılır, - Mövsümov deyib.
AÇQ yataqlarının işlənilməsi layihəsinin operatoru BP şirkətidir. "Azəri-- Çıraq - Günəşli" yataqlarından Bakı - Tbiliis - Ceyhan boru kəməri ilə ixrac edilən Azeri Light növlü neft hasil olunur.
Bu il Neft Fondu xarici şirkətlərdən Azərbaycanda yataqların işlənilməsi çərçivəsində bonus daxilolmaları gözləmir. 2008 - ci ildə ARDNF-a bonus daxilolmaları 2,8 mln. manat təşkil edib.
Müəlliflə əlaqə saxlamaq üçün elektron ünvan: [email protected]
