...

"Şahdəniz" yatağından 10 mlrd. kubmetrdən çox qaz hasil edilib

Energetika Materials 27 Aprel 2009 16:25 (UTC +04:00)

Azərbaycan, Bakı, 27 aprel / Trend , müxbirlər E.İsmayılov, A.Bədəlova /

İndiyədək Xəzərin Azərbaycan hissəsində yerləşən "Şahdəniz" qazkondensat yatağından hasil edilən qazın ümumi həcmi 12 mlrd. kubmetr təşkil edib. Bu barədə bazar ertəsi Bakıda keçirilən III Xəzər Neft-Qaz Ticarət-Nəqliyyat Konfransında SOCAR-ın (Azərbaycan Respublikası Dövlət Neft Şirkəti) geologiya, geofizika və yataqların işlənməsi üzrə birinci vitse-prezidenti Xoşbəxt Yusifzadə bildirib.

"Şahdəniz" yatağının işlənməsinə dair müqavilə 1996-cı il iyunun 4-də imzlanıb. Layihə iştirakçıları bunlardır: BP (operator) - 25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, SOCAR - 10 faiz. Bu yataqda ümumi qaz ehtiyatı 1,2 trln. kubmetr, kondensat isə 245 mln. ton həcmində qiymətləndirilir.

Bu gün sutkalıq hasilat 22 mln. kubmetr təşkil edir. Lakin yaxın vaxtlarda o, yeni yataqların istismara verilməsi hesabına 27 mln. kubmetrə çatdırılacaq.

Yataqda qaz hasilatına 2006-cı ilin dekabrında başlanıb. Azərbaycan da qaz alıcısı qismində çıxış edir. Yataqdan çıxarılan qaz Cənubi Qafqaz kəməri (Bakı-Tbilisi-Ərzrum) ilə ixrac olunur.

Yatağın işlənməsi üzrə birinci mərhələ çərçivəsində ildə 9 mlrd. kubmetr qazın hasil edilməsi nəzərdə tutulub. Reallaşdırılmasına 2014-cü ildə başlanacaq ikinci mərhələ çərçivəsində yataqda ümumi hasilat 20 mlrd. kubmetrə çatdırılacaq.

Konfransın təşkilatçıları qismində Britaniyanın Confidence Energy şirkəti və Azərbaycan Dövlət Neft Akademiyası Şirkəti çıxış edir. İnformasiya dəstəyi Trend agentliyinə məxsusdur.

Məqalə müəllifi iləəlaqə ünıanı: [email protected]

Xəbər lenti

Xəbər lenti