Azərbaycan, Bakı, 18 may / Trend /
Yanvar-apreldə Azərbaycan "Şahdəniz" qazkondensat yatağından təqribən 628 mln. kubmetr qaz əldə edib. Bu göstərici 2008-ci ilin analoji dövründə 736 mln. kubmetr təşkil edib. Bu barədə SOCAR-dan məlumat verilib.
Bu dövr ərzində SOCAR bu yataqdan əldə etdiyi ümumi qaz həcmindən təqribən 218 mln. kubmetrini "Şahdəniz" layihəsində iştirak payına görə əldə edib, həcmlərin qalan hissəsi - 410 mln. kubmetri isə Dövlət Neft Şirkəti tərəfindən alınıb.
Hazırda yataqda dörd quyu fəaliyyət göstərir. Sutkalıq debit təqribən 21-22 mln. kubmetr qaz təşkil edib.
"Şahdəniz" yatağının işlənməsinə dair müqavilə 1996-cı il iyunun 4-də imzlanıb. Layihə iştirakçıları bunlardır: BP (operator) -25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, SOCAR - 10 faiz.
Hazırda qaz Cənub Qafqaz qaz kəməri vasitəsilə Gürcüstan və Türkiyəyə nəql olunur. "Şahdəniz" yatağının işlənməsi üzrə birinci mərhələ çərçivəsində 2009-cu ildə 8 mlrd. kubmetr qaz hasil ediləcək.
"Şahdəniz"in işlənməsi üzrə ikinci mərhələnin reallaşdırılmasına 2014-cü ildə başlanması gözlənilir, ikinci faza çərçivəsində hər il ümumilikdə 20 mlrd. kubmetrədək qazın hasil edilməsi planlaşdırılır.
