Azərbaycan, Bakı, 14 avqust / Trend /
Bu ilin yanvar-iyul aylarında Azərbaycanın paytaxtı Bakıda qazdan istifadə haqları üzrə vəsait yığımı yanvar-may aylarında olan 58,6 faizə nisbətdə 62 faiz təşkil edib, "Respublika" qəzetində dərc olunan ümumi cədvəldə deyilir. İyulda bu göstərici 60,7 faiz təşkil edib.
Dərc olunan məlumatlara əsasən, yanvar-iyul ayları ərzində istifadə edilən qaza görə maksimal yığım Bakının Qaradağ rayonunda 89,9 faiz müşahidə edilib. 45,7 faiz həcmində minimum yığım isə paytaxtın Nizami rayonunda müşahidə edilib. İyulda qazdan istifadəyə görə vəsait yığımı Nəsimi, Yasamal və Səbail rayonlarında 72,3 faiz təşkil edib. Sabunçu rayonunda isə bu göstərici 46,4 faiz olub.
Yanvar-iyul ayları ərzində qazdan istifadəyə görə bütün ölkə üzrə maksimal yığım Siyəzən rayonunda 159 faiz səviyyəsində müşahidə edilib. Yığım üzrə istehlakçılar arasında minimum hədd Neftçala rayonunda 42 faiz səviyyəsində müşahidə edilib.
Ümumilikdə ölkə üzrə qazdan istifadəyə görə vəsait yığımı yanvar-iyul aylarında 66,1 faiz, iyulda isə 65 faiz olub.