Qazaxıstan, Astana, 25 avqust / Trend , müxbir K.Konırova /
Qazaxıstan karbohidrogenlərinin daşınması barədə məsələ nə vaxt müəyyənləşsə, o zaman da Ceyhanda NEZ-in inşası layihəsi haqqında qərar veriləcək. Bu barədə "KazMunayQaz" MŞ SC-nin neft emalı və marketinq üzrə direktoru Daniyar Tiesov Astanada Trend -ın xüsusi müxbirinə deyib.
"Qazaxıstan karbohidrogenlərinin daşınması barədə məsələ nə vaxt qəti şəkildə müəyyənləşsə, o zaman da artıq gələcək addımlar barədə, o cümlədən Ceyhanda NEZ-in inşası layihəsi üzrə qərar qəbul ediləcək", - Tiesov deyib.
Onun sözlərinə görə, Qazaxıstan bu proyektə özünün mümkün inkişaf yollarından biri kimi baxır.
"Biz heç bir öhdəçilik sənədi imzalamamışıq. Şirkət sonuncu məntəqədə əlavə edilmiş dəyərin yaradılması məqsədi ilə və özünü neft qiymətlərinin ani dəyişikliyindən sığortalamaq üçün vəziyyəti və qazax neftinin marşrutlarını öyrənib", - direktor deyib.
Onun fikrincə, neft məhsulları vasitəsilə vəziyyətdən çıxmaq, xammalda ani sıçrayışları zəiflətmək və əlavə edilmiş dəyəri yaratmaq üçün neft emalında NEZ-in malik olduğundan yaxşı vasitələr yoxdur.
İki il əvvəl "KazMunayQaz" MŞ SC türk, hind və italyan şirkətləri ilə birlikdə türk limanı Ceyhanda NEZ-in inşasının mümkünlüyünü öyrənib.
Məqalə müəllifi ilə əlaqə ünvanı: [email protected]
