Azərbaycan, Bakı, 04 sentyabr / Trend /
ARDNŞ (Azərbaycan Respublikası Dövlət Neft Şirkəti) bu ilin yanvar-avqust aylarında "Bakı-Novorossiysk" şimal boru kəməri ilə 1,7 milyon tondan çox neft ixrac edib ki, 2008-ci ilin analoji dövründə bu göstərici 865 min ton neft təşkil edib. Bu barədə şirklətin məlumatında deyilir.
Avqust ayında bu boru kəməri ilə keçən ilin analoji dövründəki 83 min tona qarşı təqribən 240 min ton neft ixrac edilib.
2009-cu ildə ARDNŞ "Bakı-Novorossiysk" boru kəməri ilə 2008-ci ildəki 1,3 milyon tona qarşı 2,5 milyon tona qədər neft ixracını artırmağı planlaşdırılır.
2007-ci ildə bu marşrutla təqribən 1,2 milyon ton neft ixrac edilmişdi ki, bundan əvvəlki ildə eyni göstərici qeydə alınmışdı. 2005-ci ildə "Bakı-Novorossiysk" ilə ixrac 1,6 milyon ton təşkil edib.