Azərbaycan, Bakı, 13 noyabr / Trend , müxbir K.Zərbəliyeva, A.Bədəlova/
Türkiyə və İran arsında qaz müqaviləsinin imzalanması "Nabukko" qaz kəməri layihəsinin əvvəlki məna və əhəmiyyətini dəyişir, Türkiyə Strateji Araşdırmalar Mərkəzinin (SAM) rəhbəri Sinan Oqan belə hesab edir.
"Əvvəl "Nabukko" Xəzər regionundan keçən qaz kəməri layihəsi hesab edilirdi", - Oqan cümə günü Bakıda Azərbaycan Prezidenti yanında Strateji Araşdırmalar Mərkəzində deyib. Lakin imzalanmış müqavilədən sonra, Oqanın sözlərinə görə, "Nabukko" layihəsi üçün potensial qaz tədarükçüləri arasında İran ön plana keçdi.
Ötən ayın sonlarında İran və Türkiyə energetika sahəsində İranın qaz layihəsinə Türkiyə investisiyasının qoyuluşunu, İran qazının Türkiyəyə və sonra Avropaya nəqlini nəzərdə tutan hökümətlərarası müqavilə imzalayıblar.
Oqanın dediyi kimi, ABŞ-n sanksiyaları heç bir dövlətə icazə vermir ki, İrana 20 milyon dollardan artıq investisiya qoysun. "Bu yaxınlarda İran və Türkiyə arasında dörd milyard dollarlıq müqavilə imzalanıb", - Oqan deyib. ABŞ, onun sözlərinə görə, öz etirazını ifadə edib, lakin bu etiraz o qədər də sərt olmayıb.
BP-nin məlumatına görə, 2009-cu ilin əvvəlinə İranın təsdiqlənmiş qaz ehtiyatı 29,61 trilyon kubmetr təşkil edib. 2008-ci ildə ölkədə qaz hasilatı 3,6 faiz atraraq 116,3 milyard kubmetrə çatıb. Ölkədə qaza olan tələbat, BP-nin məlumatına görə, ötən il 117,6 trilyon kubmetr təşkil edib.
Dəyəri 7,9 mlrd. avro olan "Nabukko" kəməri ilə Xəzər regionu və Yaxın Şərqdən Aİ ölkələrinə qazın ixracı nəzərdə tutulur. İlk tədarüklərə 2014-cü ildə start veriləcək. Boru kəmərinin maksimal gücü ildə 31 mlrd. kubmetrə bərabərdir. Layihənin iştirakçıları Avstriyanın OMV, Macarıstanın MOL, Bolqarıstanın Bulgargaz, Rumıniyanın Transgaz, Türkiyənin Botaş və Almaniyanın RWE şirkətləridir.
Məqalə müəllifi ilə əlaqə ünvanı: [email protected]