Azərbaycan, Bakı, 12 yanvar / Trend /
"Azerenerji" SC (Azərbaycanda elektrik enerjisinin istehsalı və paylanması) 2009-cu ildə 2008-ci ildə istehsal olunmuş 21,2 milyard kilovat-saat elektrik enerjisinə nisbətdə təxminən 18,6 milyard kilovat-saat elektrik enerjisi istehsal edib. Bu barədə SC-nin çərşənbə axşamı yayılan məlumatında deyilir.
Ötən il ərzində SC tərəfindən istehsal olunmuş elektrik enerjisinin ümumi həcmindən 16,3 milyard kilovat-saat İES-in, təxminən 2,3 milyard kilovat-saat isə SES-in payına düşüb.
2009-cu il dekabr ayında 1,8 milyard kilovat-saat elektrik enerjisi istehsal olunub. İstehsal olunmuş elektrik enerjisinin ümumi həcmindən 1,6 milyard kilovat-saat İES-in, təxminən 0,2 milyard kilovat-saat isə SES-in payına düşüb.
2009-cu il ərzində Rusiya Federasiyası, İran İslam Respublikası və Gürcüstanla enerji mübadiləsi davam etdirilib.