...

SOCAR Energy Georgia Gürcüstanın Bolnisi rayonunun daha 7 kəndini qazla təmin edib

Energetika Materials 3 Fevral 2010 20:28 (UTC +04:00)

Trend-i buradan izləyin

Gürcüstan, Tbilisi, 03 fevral / Trend , müxbir N.Kirsxaliya/

Azərbaycanın SOCAR Energy Georgia şirkəti Gürcüstan regionlarının qazla təmin edilməsinə 20 milyon dollar vəsait yatırıb. Bu barədə SOCAR Energy Georgia şirkətinin rəhbəri Mahir Məmmədov Gürcüstanın Bolnisi rayonunda deyib.

"Biz Gürcüstan regionlarının qazlaşdırılması layihəsinə 70 milyon dollarlıq investisiya yatırmaq niyyətindəyik. Bu gün biz planlarımızı Gürcüstanın energetika naziri Aleksandr Xetaquri ilə müzakirə etmişik. Hər iki tərəf işlərin yerinə yetirilmə sürətindən razıdır", - Məmmədov deyib.

Xetaquri də öz növbəsində Azərbaycan şirkətinin qarşısına qoyduğu vəzifənin öhdəsindən müvəffəqiyyətlə gəldiyindən məmnunluğunu ifadə edərək bildirb ki, şirkət ölkə regionlarının qazlaşdırılması prosesini sonadək aparacaq.

"Biz bu gün 7 kəndi qazla təmin etdik, əhali təbii qazdan istifadə edə biləcək. Bu da əhalinin həyatını və sosial vəziyyətini yaxşılaşdıracaq. SOCAR Energy Georgia şirkəti bu işdə bizə kömək edir və biz buna görə azərbaycanlı həmkarlarımıza təşəkkür edirik", - o deyib.

2008-ci ilin noyabr ayında Azərbaycan və Gürcüstan arasında ARDNŞ-nin 2009-cu ildən başlayaraq növbəti 5 il ərzində Gürcüstan bazarında fəaliyyətini aktivləşdirmək imkanı yaradan saziş imzalanıb. Memoranduma əsasən, ARDNŞ layihənin reallaşması üçün SOCAR Georgia Gas törəmə müəssisəsini yaradıb.

Həmçinin 2008-cil il dekabrın sonunda ARDNŞ və Gürcüstan hökuməti 30 qazpaylayıcı təsərrüfat və qazpaylayıcı şəbəkənin istifadəyə verilməsi barədə müqavilə imzalayıb. Bu şəbəkələr Gürcüstanın Kaxetiya, Msxeta-Mtianeti, Şido və Kvemo-Kartli, Acarıstan, Quriya, İmeretiya, Sameqrelo kimi regionlarını əhatə edir. Bu şəbəkələr 24 şirkət tərəfindən istismar olunur. 2009-cu ilin aprelində ARDNŞ azərbaycanlıların kompakt yaşadığı Gürcüstanın Marneuli rayonunda qazpaylayıcı şəbəkə istifadəyə götürüb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti