Azərbaycan, Bakı, 14 may /Trend, müxbir E.İsmayılov/
Yanvar-aprel aylarında SOCAR Gas Supply şirkəti (Azərbaycan Respublikası Dövlət Neft Şirkətinin törəmə müəssisəsi) Gürcüstana yanvar-mart aylarındakı 61 milyon kubmetrə qarşı 70 milyon kubmetrdən çox kommersiya qazı tədarük edib. Bu barədə SOCAR Energy Georgia-dakı mənbə cümə günü bildirib.
Mənbənin sözlərinə görə, aprel ayında Gürcüstan bazarlarında SOCAR Georgia Gas şirkətinin 13,5 milyon kubmetrə yaxın kommersiya qazı satılıb.
Bundan əvvəl mənbənin məlumatına görə, Gürcüstan bazarına 2009-cu ildə SOCAR Georgia Gas şirkətinin 140 milyon kubmetrə yaxın kommersiya qazı tədarük edilib.
2008-cil il dekabrın sonunda ARDNŞ və Gürcüstan hökuməti 30 qazpaylayıcı təsərrüfat və qazpaylayıcı şəbəkənin istifadəyə verilməsi barədə müqavilə imzalayıb. Bu şəbəkələr Gürcüstanın Kaxetiya, Msxeta-Mtianeti, Şido və Kvemo-Kartli, Acarıstan, Quriya, İmeretiya, Sameqrelo kimi regionlarını əhatə edir. Bu şəbəkələr 24 şirkət tərəfindən istismar olunur. 2009-cu ilin aprelində ARDNŞ azərbaycanlıların kompakt yaşadığı Gürcüstanın Marneuli rayonundakı qazpaylayıcı şəbəkəni istifadəyə götürüb.
SOCAR Energi Georgia ARDNŞ-nin (Azərbaycan Respublikası Dövlət Neft Şirkəti) törəmə şirkətlərindən biridir və Gürcüstanın neft və neft məhsulları bazarında paylama və marketinqlə məşğul olur. Şirkət, o cümlədən gürcü bazarında neft məhsulları və qaz satır. SOCAR Georgia-nın həmtəsisçiləri bunlardır: ARDNŞ - 51 faiz, Petro-TransFZCO - 24,5 faiz və Vano Çxartişvili - 24,5 faiz.
