Azərbaycan, Bakı, 17 iyun /Trend/
ARDNŞ-nin birgə müəssisəsi Azeri Fugro (ARDNŞ - 60 faiz və Fuqro N.V - 40 faiz) Bakı Metropoliteninin sifarişi üzrə tədqiqat quyularının qazılması ilə bağlı müqaviləni yerinə yetirməyə başlayıb. Bu barədə cümə axşamı şirkətdən bildiriblər.
Müqavilə çərçivəsində ümumilikdə dərinliyi 30-50 metr olan 38 quyu qazılacaq. Bu quyular Bakı Metropoliteninin stansiyalarının sayının artırılması üzrə tədqiqat işləri çərçivəsində qazılır.
"Hazırda üç quyu qazılıb. Qazma işləri Abşeron yarımadasının müxtəlif yerlərində aparılır", - şirkətdən deyiblər.
