Yaxın vaxtlarda Gürcüstanda yanacağın qiymətlərinin artacağı gözlənilmir – Neft Məhsulları İdxalçıları və İstehsalçıları Birliyi

Gürcüstan, Tbilisi, 23 iyul /Trend, müxbir N.Kirsxaliya/

Gürcüstanda yanacağın qiymətlərinin artacağı ehtimallarına baxmayaraq, onlar dəyişməyib. Bu barədə Neft Məhsulları İdxalçıları və İstehsalçıları Birliyinin sədri Vano Mtrvralaşvili deyib.

Onun sözlərinə görə, neftin dünyadakı qiymətləri qalxır, çünki ona olan tələbat artır. Lakin qlobal maliyyə-iqtisadi böhran üzündən bu amil Gürcüstanda yanacağın qiymətlərinin artmasına təsir etməyib.

"Son aylar ərzində neftin qiymətləri sabit qalmır və bir bareli 76-77 dollar arasında tərəddüd edir", - Mtvralaşvili bildirib.

Onun sözlərinə görə, dünya bazarındakı sabit vəziyyət, əgər buraya son vaxtlar gürcü valyutasının möhkəmləndiyini də əlavə etsək, daxili bazarda da sabitliyi təmin edir.

"Proqnozlara gəldikdə, yaxın vaxtlarda Gürcüstanda yanacağın qiymətlərinin dəyişəcəyi gözlənilmir", -Mtvralaşvili bəyan edib.

Bu gün Gürcüstanda "super" markalı benzinin bir litrinin qiyməti 1,95-2,0, "premium" - 1,9-1,95, "euro regular" - 1,8-18,2, "regular" - 1,70-1,80, "euro diesel" - 1,90-1,95, dizel yanacağı 1,72-1,8 lari təşkil edir.