Azərbaycan, Bakı, 17 avqust /Trend /
Azərbaycanın Nazirlər Kabineti "Azərbaycan Hava Yolları" QSC-nin 99 milyon manat və "Azərenerji" ASC-nin 1555, 4 milyon manat həcmində ARDNŞ-ə (Azərbaycan Dövlət Neft Şirkəti) olan borclarının neft şirkətinin 2010-cu il üzrə maliyyə-təsərrüfat fəaliyyətinin yekunlarına daxil edilməklə silinməsi haqda qərar qəbul edib. Bu barədə Nazirlər Kabinetinin məlumatında deyilir.
Həmçinin, NK 2010-cu il üzrə maliyyə-təsərrüfat fəaliyyətinin yekunlarına daxil edilməklə, "Azərenerji" qarşısında aşağıdakı debitor borcların silinməsi haqda qərar qəbul edib:
Qəbələ RLS üzrə - 14,5 milyon manat; "Bakıelektrikşəbəkə" ASC üzrə - 389,1 milyon manat; "Sumqayıtelektrikşəbəkə" ASC üzrə - 194,7 milyon manat və 101,8 milyon manat; "Barmek - Azərbaycan" üzrə - 466,4 milyon manat; "Azərsu" ASC üzrə - 116,8 milyon manat; Naxçıvan MR Enerji Dövlət Agentliyi üzrə - 113,2 milyon manat; "Azəralüminium" ASC üzrə - 23,5 milyon manat; "Azəristiliktəchizat" ASC üzrə - 4,1 milyon manat, "Meliorasiya və Su Təchizatı" ASC üzrə - 90 milyon manat; Azərbaycan Müdafiə Nazirliyi üzrə - 16,1 milyon manat; Səhiyyə Nazirliyi üzrə - 10,9 milyon manat; Təhsil Nazirliyi üzrə - 9,1 milyon manat; Dövlət Sərhəd Mühafizəsi Xidməti üzrə - 2,5 milyon manat; Daxili İşlər Nazirliyi üzrə - 0,6 milyon manat; Mədəniyyət və Turizm Nazirliyi üzrə - 1 milyon manat; Kənd Təsəsrrüfatı Nazirliyi üzrə - 0,8 milyon manat; Ekologiya və Təbii Sərvətlər Nazirliyi üzrə 0,3 milyon manat.
Borcları silinən idarələr mühasibat uçotu sənədlərində lazımi qeydlər etməli və borcların silinməsindən əldə olunan gəlir vergisinin ödənilməsini təmin etməlidirlər.