Azərbaycan, Bakı, 31 yanvar /Trend,müxbir E.İsmayılov/
Mayda Kiyevdə ARDNŞ-nin (Azərbaycan Respublikası Dövlət Neft Şirkəti) brendi altında ilk yanacaqdoldurma məntəqələri açılacaq. Bu barədə bazar ertəsi ARDNŞ-dan məlumat verilib.
"Mayda Kiyevdə ARDNŞ-nin brendi altında iki və yaxud üç yanacaqdoldurma məntəqəsi açılacaq",- mənbə deyib.
Onun sözlərinə görə, YDM-lər onların istismara hazırlıq ölçüləri üzrə açılacaq. Hazırda Ukraynada ARDNŞ-nin brendi altında YDM-lərin sayı 6-ya çatıb.
Bundan əvvəl şirkətin Ukrayna nümayəndəliyindəki mənbənin məlumat verdiyi kimi beş il ərzində Ukraynada ARDNŞ-nin brendi altında fəaliyyət göstərəcək yanacaqdoldurma məntəqələrinin sayı 500-ə çatacaq. Bu ilin sonuna qədər isə onların sayı 50 olacaq.
Bu günlərdə Ukraynada ARDNŞ-nin beş YDM-i istismara verilib. Onların hamısı Odessa-Nikolayev-Cənubukraynsk avtotrassında yerləşir.
ARDNŞ-nin Gürcüstanda artıq 60-dan çox YDM-i var və Azərbaycanda stansiya şəbəkələrinin yaradılmasına başlayıb. Həmçinin şirkət Rumıniyanın neft məhsullarının pərakəndə satış bazarına çıxış üzrə niyyətini açıqlayıb ki, bu da Aİ bazarına çıxış deməkdir.
