Azərbaycan, Bakı, 30 mart /Trend/
ARDNŞ Xəzərin Azərbaycan sektorundakı "Ələt-dəniz" yatağında qiymətləndirmə quyusunun qazılmasına başlayıb. Trend-in məlumatına görə, bu barədə ARDNŞ-nin çərşənbə günü yaydığı məlumatda deyilir.
Məlumata əsasən, qazma "Ələt-dəniz" yatağındakı 63 nömrəli özüldən 23 nömrəli platformadan başlayıb. Quyunun layihə dərinliyi 4900 metrdir.
Qazmanı ARDNŞ-nin Kompleks Qazma İşləri Trestinin "Bayıl Limanı" Dəniz Kəşfiyyat Qazma İdarəsi həyata keçirir.
Məhsuldar qatın alt şöbəsinin neft-qazlılıq perspektivliyinin qiymətləndirilməsi məqsədini daşıyan quyu Qirməki Altı Lay Dəstəsinə qazılır.