Azərbaycan, Bakı, 25 avqust /Trend, müxbir E.İsmayılov/
Azərbaycan Nazirlər Kabineti nazirlik və idarələrə baxılmaq üçün qaz sahəsində texniki şərtlərin təqdim edilməsi üzrə yeni qaydaları, eləcə də əhali sayından olan istehlakçılar üçün qaz şəbəkəsinə qoşulma qaydalarını göndərib. Trend-in məlumatına görə, bu barədə Azərbaycan Sənaye və Energetika Nazirliyi yanında Dövlət Qaz Nəzarəti İdarəsinin rəhbəri Asif Zeynalov deyib.
Zeynalov qeyd edib ki, yeni qaydaların göndərildiyi dövlət müəssisələrindən biri ARDNŞ-dir. Ölkə ərazisində qazın paylanması və satışı ilə məşğul olan "Azəriqaz" İstehsalat Birliyi ARDNŞ-nin tərkibinə daxildir.
Sənədə baxdıqdan sonra nazirlik və idarələr yeni qaydalarla bağlı öz fikirlərini bildirəcəklər. Onlar sənədin son tamamlama işlərində nəzərə alınacaq.
Zeynalovun sözlərinə görə, razılaşdırma məsələsi kifayət qədər mürəkkəb prosesidr. Çünki hər strukturun sənədin bu və ya digər bəndi ilə bağlı öz təklifi ola bilər.
Bundan əvvəl Nazirlər Kabineti Azərbaycanda qazdan istifadə üzrə yeni qaydaları təsdiq edib.
