Azərbaycan, Bakı, 29 oktyabr /Trend, müxbir E.İsmayılov/
2015-ci ildə Azərbaycanın neft-qaz sektoruna investisiyaların həcmi 5,05 milyard səviyyəsində proqnozlaşdırılır ki, bu da 2011-ci ilin sonuna gözlənilən investisiyaların həcmini 1,5 dəfədən çox üstələyir. Cari ildə ölkənin neft-qaz sektoruna kapital qoyuluşları 3,19 milyard manat səviyyəsində gözlənilir.
Bu barədə baxılmaq üçün Milli Məclisə təqdim edilən 2012-ci və daha sonrakı üç il üzrə sosial-iqtisadi inkişafın konsepsiyası layihəsində deyilir.
Layihəyə görə, ötən il respublikanın neft-qaz sektoruna investisiyaların həcmi 2,96 milyard dollara yaxın təşkil edib, gələn il o, 4,27 milyon manat, 2013-cü ildə 5,48 milyon manata yaxın, 2014-cü ildə isə 5,57 milyard manatdan çox olacaq.
Bir az əvvəl ARDNŞ-nin (Azərbaycan Respublikası Dövlət Neft Şirkəti) rəhbəri Rövnəq Abdullayev deyib ki, 1994-cü ildən Azərbaycanın neft-qaz sektoruna PSA müqavilələri çərçivəsində 44 milyard dollar sərmayə qoyulub. Bu müddət ərzində ARDNŞ tərəfindən 32 PSA tipli lmüqavilə imzalanıb.
Müvafiq olaraq, 2016-cı ilədək ölkənin neft-qaz sektoruna investisiyalar təxminən 74 milyard dollara (2011-2015-ci illər dövründə proqnozlaşdırılan 0,79 AZN/USD məzənnə hesabı ilə) çatırılacaq. Bu göstərici bu sektor üzrə indiyədək həyata keçirilən kapital qoyuluşlarının 1,7 dəfə üstələyir.
Oktyabrın 29-na rəsmi məzənnə 0,7869 AZN/USD təşkil edir.
