Azərbaycan, Bakı, 17 sentyabr /Trend, müxbir E.İsmayılov/
Azərbaycanın sənaye və energetika naziri Natiq Əliyev Bakıda İndoneziyanın iqtisadi məsələlər üzrə koordinasiya naziri Hatta Racasanın başçılıq etdiyi nümayəndə heyətini qəbul edib. Bu barədə bazar ertəsi Trend-ə Sənaye və Energetika Nazirliyinin mətbaut xidmətinin rəhbəri Azər Mənsimli deyib.
Görüş zamanı tərəflər neft-qaz, enerji və qeyri-neft sahələrində ikitərəfli əməkdaşlığın perspektivlərini müzakirə ediblər.
Əliyev qeyd edib ki, Azərbaycan tərəfi İndoneziya ilə əməkdaşlığın inkişafında maraqlıdır.
Onun sözlərinə görə, yaxın vaxtlarda nazirlik İndoneziya tərəfinə öz təkliflərini təqdim edəcək.