Azərbaycan, Bakı, 16 may /Trend, müxbir E.İsmayılov/
2014-cü ilin birinci rübündə Xəzərin Azərbaycan sektorundakı "Azəri-Çıraq-Günəşli" (AÇG) yataqlar blokunun işlənməsi operatoru olan Böyük Britaniyanın BP şirkəti 2013-cü ildə Azərbaycan Respublikası Dövlət Neft Şirkətinə (ARDNŞ) 0,6 milyard kubmetr səmt qazı verib. Trend-in məlumatına görə, bu barədə BP-nin 2014-cü ilin birinci rübünün yekunları üzrə hesabatında deyilir.
AÇG-nin işlənməsi çərçivəsində səmt qaz ARDNŞ-yə pulsuz verilir.
BP 2013-cü il ərzində ARDNŞ-yə 1,24 milyard kubmetr səmt qazı verməyi planlaşdırırdı.
Hesabatda deyilir ki, ARDNŞ-yə verilən səmt qazının orta sutkalıq həcmi 6,2 milyon kubmetr olub.
2013-cü il ərzində BP ARDNŞ-yə 2,19 milyard kubmetr səmt qazı verib. 2012-ci ildə bu rəqəm 3,4 milyard kubmetr olub. 2013-cü ilin sonunda AÇG-də səmt qazının məşəldə yandırılması 2,6% olub.
AÇG-də iştirak payları: BP - operator (35,78%), ARDNŞ (11,6%), Şevron (11,27%), İNPEKS (10,96%), AzACG - (11,65%), Statoyl (8,56%), EksonMobil (8%), TPAO (6,75%), İTOÇU (4,3%), ONGC Videş Limited (OVL) (2,72%).
