...

"Azərenerji" Sumqayıt Elektrik Stansiyasında 750 metr uzunluğunda estakada tikir (VİDEO)

Energetika Materials 25 Sentyabr 2019 12:59 (UTC +04:00)
“Azərenerji” Açıq Səhmdar Cəmiyyəti Xəzərdə su səviyyəsinin düşməsinə görə qabaqlayıcı tədbirlər görür
"Azərenerji" Sumqayıt Elektrik Stansiyasında 750 metr uzunluğunda estakada tikir (VİDEO)

Bakı. Samir Əli - Trend:

“Azərenerji” Açıq Səhmdar Cəmiyyəti (ASC) Xəzərdə su səviyyəsinin düşməsinə görə qabaqlayıcı tədbirlər görür.

Qurumun İctimaiyyətlə əlaqələr və media mərkəzinin rəisi Teymur Abdullayev Trend-ə açıqlamasında bildirib ki, Xəzər dənizində suyun səviyyəsinin aşağı düşməsi “Sumqayıt” Elektrik Stansiyasını işini dayandırmaq təhlükəsi ilə üzləşdirib: "Buna səbəb 2004-cü ildə “Sumqayıt” Elektrik Stansiyası layihələndirilərkən dəniz səviyyəsinin düşmə ehtimalının nəzərə alınmaması və nəticədə suyun səviyyəsinin mənfi 27,5 metrdən 28,3 metrə qədər aşağı düşməsidir. “Azərenerji” ASC həmin stansiyada yaranmış problemi vaxtında aradan qaldırmaq məqsədi ilə ötən ilin payızından başlayaraq xarici və yerli mütəxəssislərin iştirakı ilə müzakirələr aparıb. Yekunda sahildən Xəzər dənizinin içərisinə doğru soyuq suyun 5 metr dərinlikdən götürülməsinə imkan verən 750 metr məsafədə estakada qurmağa qərar verilib. Bununla da ilk dəfə MDB məkanında soyutma suyunun kaskad vasitəsi ilə sakitləşdirici kanala və oradan isə stansiyaya ötürülməsi sistemi yaradılacaq. Artıq neçə müddətdir işlərə başlanılıb və növbəli iş prinsipi əsasında fasiləsiz olaraq davam etdirilir. İşlər qrafik əsasında 8 ay müddətində başa çatdırılacaq və stansiyaya Xəzər dənizinin dərinliyindən su veriləcək".

Qeyd edək ki, ötən ilin payızından başlayaraq bu günə qədər “Sumqayıt” Elektrik Stansiyasında xarici və yerli mütəxəssislərin iştirakı ilə təmir-bərpa işləri aparılıb və stansiyanın etibarlığı artırılıb.

Məqalədə:
Xəbər lenti

Xəbər lenti