Bakı. Trend:
"Fitch" beynəlxalq reytinq agentliyi Rusiyanın reytinqlərini ləğv edib.
Trend-in məlumatına görə, bu barədə agentliyin açıqlamasında deyilir.
Məlumata əsasən, Rusiyanın reytinqləri ölkəyə qarşı tətbiq olunan sanksiyalarla əlaqədar ləğv edilir. Rusiyanın milli və xarici valyutada emitent defoltunun reytinqi C səviyyəsində idi.
Qeyd edək ki, martın 15-də Avropa İttifaqı Rusiyada faəliyyət göstərən hüquqi şəxslərə və təşkilatlara kredit reytinqlərinin verilməsini qadağan edib.
Martın 8-də isə "Fitch Group" şirkəti Rusiyada kommersiya fəaliyyətini dayandırdığını bildirmişdi.