Bakı. Trend:
İtaliyanın Auqusta limanında CIF bazisi üzrə Azərbaycan neftinin “Azeri Light” markasının qiyməti əvvəlki göstərici ilə müqayisədə 0,33 ABŞ dolları və ya 0,5% azalaraq bir barel üçün 67,67 dollar təşkil edib.
Bu barədə Trend-ə neft bazarından olan mənbə məlumat verib.
Qeyd olunur ki, Türkiyənin Ceyhan limanında “Azeri Light” markalı neftin FOB bazisi üzrə bir barelinin qiyməti 0,27 dollar və ya 0,4% azalaraq 65,55 dollar olub.
URALS markalı neftin qiyməti əvvəlki göstərici ilə müqayisədə 1,6 dollar və ya 3% azalaraq bir barel üçün 50,08 dollar təşkil edib.
Şimal dənizində hasil olunan “Dated Brent” markalı neftin qiyməti isə 0,2 dollar və ya 0,3% azalaraq 63,35 dollar olub.
Qeyd edək ki, Azərbaycanın 2025-ci il dövlət büdcəsində bir barel neftin orta qiyməti 70 ABŞ dolları səviyyəsində müəyyən edilib.