İstiliklə təchizat tarifləri onun təmin olunması xərcləri ilə müqayisədə son dərəcə aşağıdır. Bu barədə Trend ə PA Consulting Group layihə işçi qrupunun rəhbəri Maknill Uotkins (McNeill Watkins) Trend ə bildirib.
Lakin ekspert belə hesab edir ki, sektorun vəziyyəti acınacaqlı olduğundan onun üçün tarif məsələləri çox da böyük problem deyil. "Əsas problem bərpası böyük maliyyə vəsaiti tələb edən istilik təchizat obyektlərinin fəaliyyət göstərməməsidir. PA Consulting Group hökumətə alıcılar və satıcılar arasında razılaşdırılmış qiymətləri təmin etməyə imkan verəcək istilik təchizatı ilə bağlı tövsiyyələr edib", - deyə o qeyd edib.
M.Uotkinsin sözlərinə görə, hökumət bu təkliflərlə razılaşsa, tariflərin tənzimlənməsi o qədər də vacib olmmayacaq, belə ki bazar özü qiymətləri müəyyən edəcək. "Özəl operatorlar uğur əldə etmək üçün elektrik enerjisininin qiyməti ilə rəqabət aparmaq məqsədilə istilik təchizatına tariflər qoymalıdır. Son zamanlar hökumət bu istiqamətdə fəal iş aparır. Ölkə prezidenti bu işdə maraqlıdır və Nazirlər Kabineti digər dövlət strukturları ilə birlikdə istilik təchizatı üzrə dövlət proqramını hazırlayır. PA Consulting Group bu istiqamətdə ölkəyə yardım edir", - deyə o bildirib.
