2006-cı ildə Azərbaycan Dövlət Neft Fonduna mənfəət neftinin satışından daxilolmaların $780 mln təşkil edəcəyi gözlənilir. Trend in xəbər verdiyi kimi, bu barədə jurnalistlərə AR DNF-in icraçı direktoru Samir Şərifov məlumat verib. Onun sözlərinə görə, il ərzində həmin vəsaitin 19 mln barel mənfəət neftinin satışından əldə olunacağı proqnozlaşdırılır. "Daha doğrusu, 21 mln barel neft alınacaq, lakin onun bir hissəsi BTC-nin doldurulması üçün istifadə ediləcək, digər tərəfdən isə 2002-ci ildə BTC-nin sanksiyalaşdırılması zamanı Azərbaycan hökuməti kredit ayıran şirkətlərə zəmanət verməli idi. Zəmanət kimi 2 mln barel xam neft daxil olur ki, bu da BP, Statoil və Unocal şirkətlərinə veriləcək", - deyə o qeyd edib.
Bütün bunlar nəzərə alınmaqla AR DNF-in mənfəət neftinin satışından $780 mln əldə edəcəyi gözlənilir.