Azərbaycanda Qazaxıstan neftinin tranziti üçün yeni terminalın inşası layihəsi çərçivəsində ölkədə mövcud daşınma gücü nəzərə alınmalıdır. Bu barədə Trend ə AR sənaye və energetika naziri Natiq Əliyev bildirib.
Qeyd edək ki, yeni terminalın inşasına Fransanın Total şirkəti maraq göstərir.
"Qazaxıstan neftinin "Kaşağan"dan Azərbaycan ərazisi ilə nəqli üçün ümumi konsepsiya vardır. Terminalın inşa ediləcəyi yer üçün bir neçə variant vardır. Amma yenə də ölkə hökumətinin icazəsi alınmalıdır və xüsusilə ekologiya məsələləri həll edilməlidir. Amma əsas bu gün mövcud olan imkanlara baxılmasıdır" -deyə nazir qeyd edib.
N.Əliyev qeyd edib ki, həmçinin Dübəndi (operator Middle East Petrol) və Səngəçal (Azpetrol) terminallarında da daşınma gücünün artırılması imkanı vardır. "İndi bu məsələlərə baxılır" -deyə nazir qeyd edib.