Azərbaycan Dövlət Neft şirkəti (AR DNŞ) Gürcüstanın Batumi limanından bir partiya mənfəət neftinin satışı üzrə tenderi bağlı elan edib. AR DNŞ-dən Trend ə verilən məlumata görə, tender "Azəri-Çıraq-Günəşli" yataqlar blokundan hasil edilən, 80 min ton (600 min barel) Azəri Light növlu neftin satışı üzrə elan edib. Tenderin qalibi Almaniyanın Select Energy Trading şirkətidir. Neftin 31 mart-1 aprel tarixində Batumidən yüklənəcəyi gözlənilir.
Batumi neft terminalı ildə 15 mln tonadək neft yükü daşımaq gücünə malikdir. Terminal 4 körpüdə 30-90 min ton tutumlu tankerlərə xidmət edir. Hazırda terminalın rezervuar parkının tutumu təxminən 530 min ton təşkil edir ki, bu da dəhlizdən keçən cari və proqnoz həcmlərinin daşınması üçün böyük göstəricidir.
