Çinin CNPC şirkətinin nümayəndə heyətinin Bakıya səfəri başa çatıb. Nümaynədə heyəti Sənaye və Energetika Nazirliyində və Dövlət Neft Şirkətində bir sıra görüşlər keçirib. Trend in verdiyi məlumata görə, şirkət Azərbaycanın nqeft hasilatı və emalı sahəsində çalışan mütəxəssisləri noyabr ayında Pekində keçiriləcək xüsusi konfransa dəvət edib.
Belə konfrans dünyada ilk dəfədir ki, keçirilir. Burada ağır neftin işlənməsindən emalına qədər səmərəli istifadəsi məsələləri müzakirə olunacaq. Konfransda ağır neft hasilatı və emalı ilə bağlı azərbaycanlı mütəxəssislərin çıxışları gözlənilir. Ümumilikdə, görüşdə dünyanın 500-ə yaxın şirkətinin iştirak edəcəyi gözlənilir.
CNPC şirkəti Azərbaycanda quruda yerləşən iki neft yatağının - "Kürsəngi -Qarabağlı" və "Cənub-Qərbi Qobustan" müqaviləsi sahəsinin operatorudur.
