Cənubi Qafqaz qaz kəmərinin tikintisi (SCP) Transxəzər boru kəməri layihəsinin bərpasına təkan verib. Trend xəbər verir ki, bu barədə bu gün Bakıda keçirilən "Xəzərin nefti, qazı, yataqları - 2006" konfransında AZBTC CO -nun icraçı direktoru İlham Nəsirov bildirib.
Onun sözlərinə görə, SCP layihəsinin reallaşdırılması uğurla davam edir. "Gələcəkdə SCP-nin 16 mlrd. m3 gücə malik boru kəməri ilə uzadılması nəzərdə tutulub. Həmin boru kəməri Türkiyə, Yunanıstan və İtaliyanı əlaqələndirəcək", - deyə o bildirib.
2020-ci ilə qədər Avropada qaz istehlakı həcmi 40% artacaq.
Noyabr ayından Azərbaycanın "Şahdəniz" yatağından hasil olunacaq qaz SCP boru kəməri ilə nəql olunacaq.
