2007-ci ilin I rübündə "Bakı-Novorossiysk" şimal boru kəmər marşrutu üzrə neft nəqli üçün sifariş həcmi hər ay üçün 400 min ton neft nəzərdə tutulub. Bu barədə Trend ə Azərbaycan Dövlət Neft Şirkətindən məlumat verilib. Bu həcmdən neftin bir hissəsi Azərbaycan Beynəlxalq Əməliyyat Şirkəti, bir hissəsi isə ARDNŞ tərəfindən nəql olunacaq. Həm də ARDNŞ ümumi həcmdən ABƏŞ tərəfindən məşğul edilməyən neft həcmini nəql edəcək.
ABƏŞ öz neftinin Bakı-Novorossiysk boru kəməri üzrə nəqli üçün prioritet hüquqa malikdir, belə ki, bu boru kəmərinin operatorudur. Dekabr ayında həmin boru kəmərindən "Çıraq" yatağında hasil olunan neft nəql olunacaq, belə ki, bu neftin əsas ixrac marşrutu - Bakı-Supsa boru kəməri bu ilin sonunadək dayandırılıb.
Noyabr ayında ARDNŞ artıq Novorossiyskdən ümumi həcmi 1,204 mln. barel olan (584 mln. barel və 620 mln. barel) iki neft partiyası satıb. Hər iki partiyanın alıcısı Glencore Energy UK Ltd (Böyük Britaniya) olub. Partiyanın biri noyabrın 7-8-də, ikincisi isə - noyabrın 18-19-da göndəriləcək.
2004-cü ildə göndərilən 2,559 mln. tonla müqayisədə 2005-ci ildə ARDNŞ Novorossiysk limanından 1,631 mln. ton neft yükləyib.
2006-cı ilin əvvəlindən Novorossiyskdən ARDNŞ neft partiyalarını aşağıdakı şirkətlər alıb:
Yanvar - Glencore (85 min ton);
Fevral - Taurus Petroleum (140 min ton);
Fevral - Glencore (60 min ton);
May - Glencore (60 min ton);
İyun - Glencore (60 min ton);
İyul - Glencore (60 min ton);
Avqust - Glencore (131 min ton);
Avqust - Select Energy (78 min ton);
Sentyabr - REOC Ltd. (85 min ton);
Sentyabr - Iitol (85 min ton);
Oktyabr - Sun Oil S.A. (160 min ton);
Oktyabr - REOC Ltd. (135 min ton);
Noyabr - Glencore Energy UK Ltd (165 min ton).
