Hazırda "Azərenerji" səhmdar cəmiyyətində SCADA sisteminin yaradılmasının ilkin mərhələsi tamamlanmaq üzrədir. Dekabrın sonunda bu layihə tamamilə başa çatacaq. Trend xəbər verir ki, bu barədə bu gün SC -nin prezidenti Etibar Pirverdiyev məlumat verib.
Bu zaman mütəxəssislərin tam tədrisinə qədər köhnə dispetçer mərkəzi yenisi ilə birgə işləyəcək.
Bu layihənin ilkin mərhələsi Almaniyanın KfW bankının 2,5 mln. avro məbləğində vəsaitləri hesabına həyata keçirilib.
Layihənin ikinci mərhələsinin gələn il Dünya bankının vəsaitləri hesabına həyata keçirilməsi nəzərdə tutulub.
"Azərenerji"nin prezidenti qeyd edib ki, layihənin ikinci mərhələsinin ümumi dəyəri 55 mln. ABŞ dolları məbləğində qiymətləndirilir. Bunun 47 mln. ABŞ dolları DB, 8 mln. ABŞ dolları isə Azərbaycan tərəfdən veriləcək. Layihədə Azərbaycanın bütün rayonlarının sistemlə təchiz olunması nəzərdə tutulub.
