...

Azərbaycan Dövlət Neft Şirkəti "Əşrəfi" dəniz yatağında tədqiqat işlərinə hazırlaşır

Energetika Materials 7 Fevral 2007 18:58 (UTC +04:00)

Trend-i buradan izləyin

Trend xəbər verir ki, bu il Azərbaycan Dövlət Neft Şirkəti (ARDNŞ) "Əşrəfi" dəniz yatağında kəşfiyyat prosesini başa çatdırmaq və yatağın mənimsənilməsi ilə bağlı əməliyyatlar üçün meydançanın hazırlanmasına başlamaq niyyətindədir. Kəşfiyyat işləri gedişində yataqda karbohidrogen ehtiyatlarının dəqiqləşdirilməsi, eləcə də gələcək işlərin proqramının hazırlanması nəzərdə tutulur.

Bu yataqda aparılan işlərdə maraqlı olduğunu xarici şirkətlər də bildirir. Xüsusən, ARDNŞ "Əşrəfi" yatağı ilə bağlı Almaniyanın "Wintershall" şirkəti ilə qarşılıqlı anlaşma haqqında memorandum imzalayıb.

Lakin bu yatağın sərbəst şəkildə işlənməsi də istisna edilmir. İlkin qiymətləndirmələrə görə, yatağın ehtiyatları 35-40 mln. ton neft və 20-25 mlrd. kub metr qaz təşkil edir.

Əvvəllər bu yataqda xarici şirkətlər işləyib, lakin sonradan karbohidrogen yataqlarının kommersiya cəhətdən cəlbedici olmaması səbəbindən işlərin aparılmasınadan imtina ediblər. Kontrakt 1996-cı il dekabrın 14-də imzalanmışdı. Layihə iştirakçıları: BP-30%, Unocal - 25,5%, Itochu - 20%, Delta Hess - 4,5%, ARDNŞ - 20% olub.

Xəbər lenti

Xəbər lenti